U19 kvenna - 4-0 tap gegn Þýskalandi í fyrsta leik
Íslenska U19 ára landslið kvenna tapaði 4-0 fyrir Þjóðverjum í fyrsta leik sínum í milliriðli EM í Þýskalandi í dag. Þýska liðið var mun sterkara í leiknum en staðan var 1-0 í hálfleik.
Þýska liðið skoraði svo tvö mörk í upphafi seinni hálfleiks og tryggði svo öruggan sigur með fjórða markinu undir lok leiks.
Sviss og Pólland gerðu markalaust jafntefli í riðlinum en næsti leikur Íslands er gegn Póllandi á föstudag og síðasti leikurinn verður svo gegn Sviss á mánudag.
Sigurliðið í riðlinum kemst í úrslitakeppni EM ásamt því liði sem bestum árangri nær í öðru sæti í riðlunum 6.
.jpg?proc=760)
.jpg?proc=760)
.jpg?proc=760)
