U17 kvenna - Jafntefli gegn Austurríki
U17 kvenna lék seinni vináttuleikinn við Austurríki í dag. Leikurinn var bráðfjörugur og endaði með 2-2 jafntefli. Fyrri leikur liðanna fór 2-0 fyrir Íslandi.
Bergdís Fanney Einarsdóttir kom Íslandi yfir á 6. mínútu og Ísland náði að tvöfalda forskotið á 46. mínútu þegar Stefanía Ragnarsdóttir skoraði annað mark Íslands. Austurríki minnkaði muninn í 2-1 á 55. mínútu og náði að jafna metin á 60. mínútu leiksins.
Fleiri mörk voru ekki skoruð og niðurstaðan því 2-2 jafntefli í leiknum.
