U17 karla - Ísland mætir Skotlandi í dag - Byrjunarlið Íslands
U17 karla leikur annan leik sinn í dag á UEFA-móti sem fram fer í Skotlandi. Strákarnir okkar mæta heimamönnum í leik dagsins en Skotar unnu 1-0 sigur á Króatíu í fyrsta leik sínum en Ísland gerði 2-2 jafntefli við Austurríki á sama tíma.
Leikurinn hefst klukkan 12:30 og munum við gera honum skil á Facebook-síðu KSÍ og svo kemur umfjöllun um leikinn að honum loknum.
Byrjunarlið Íslands gegn Skotlandi
Markmaður: Sigurjón Daði Harðarson
Varnarmenn: Helgi Jónsson, Guðmundur Axel Hilmarsson, Finnur Tómas Pálmason, Egill Darri Þorvaldsson
Miðjumenn: Karl Friðleifur Gunnarsson, Ísak Snær Þorvaldsson (F), Sölvi Snær Fodilsson, Kristall Máni Ingason, Atli Barkarson
Sóknarmaður: Andri Lucas Guðjohnsen
