Sara Björk tilnefnd í lið ársins hjá FIFPro
Sara Björk Gunnarsdóttir, leikmaður Wolfsburg og íslenska landsliðsins, hefur verið tilnefnd í lið ársins í heiminum af FIFPro, Alþjóðlegu leikmannasamtökunum.
FIFPro birti lista yfir 55 leikmenn á heimasíðu sinni í dag sem tilnefndir eru í úrvalslið ársins 2016, en liðið verður kunngjört þann 8. mars.
Þetta er önnur viðurkenningin sem Sara fær fyrir góða frammistöðu sína því hún hafnaði í 19. sæti í kjörinu á bestu knattspyrnukonu Evrópu tímabilið 2015-2016.
Smelltu hérna til að sjá þær sem tilnefndar eru.
