Tillögur á 71. ársþingi KSÍ
Ársþing KSÍ, það 71. í röðinni, verður haldið í Höllinni Vestmannaeyjum, laugardaginn 11. febrúar næstkomandi. Sambandsaðilar eru beðnir um að kynna sér eftirfarandi upplýsingar og gögn:
1. Tillögur
Að neðan má sjá tillögur sem KSÍ hefur borist og teknar verða til afgreiðslu á ársþinginu. Tillögurnar eru sendar bæði til héraðssambanda og íþróttabandalaga sem og til allra félaga sem hafa verið þátttakendur í knattspyrnumótum á vegum KSÍ sl. ár. Þess er vænst að tillögunum sé komið sem fyrst til væntanlegra þingfulltrúa, þannig að þeir hafi tök á að kynna sér þær vel áður en á ársþing er komið.
7. Tillaga um breytingar á lögum KSÍ - Starfskjaranefnd KSÍ
8. Tillaga til ályktunar - Skipun vinnuhóps - Endurskoðun laga KSÍ
9. Tillaga til ályktunar - U17 kvenna
10. Tillaga til ályktunar - Bikarkeppni KSÍ
11. Tillaga til ályktunar - Ferðakostnaður í bikarkeppni KSÍ
12. Tillaga til ályktunar - 2. flokkur karla
13. Tillaga til ályktunar - Skráning liða eftir heppilegum getuflokki
14. Tillaga til ályktunar - 5. flokkur karla og kvenna
15. Tillaga til ályktunar - B lið í meistaraflokki kvenna
16. Tillaga til ályktunar - 2. flokkur kvenna
17. Tillaga til ályktunar - Leikmannasamningar í 2. deild karla
18. Tillaga til ályktunar - Tímabundin félagaskipti
19. Tillaga til ályktunar - Laugardalsvöllur
2. Kjörbréf
Kjörbréf verða send til héraðssambanda og íþróttabandalaga og er þess óskað að þau verði fyllt út með nöfnum fulltrúa og varafulltrúa og afrit sent til KSÍ í síðasta lagi 7. febrúar nk. Óskað er eftir að allir aðilar tryggi að svo verði gert. Vinsamlegast hafið samband við skrifstofu KSÍ ef óskað er eftir rafrænu eintaki af kjörbréfi (s. 510-2900, margret@ksi.is).
3. Dagskrá
Þingið verður sett kl. 11:00 laugardaginn 11. febrúar og gert er ráð fyrir að því ljúki um kl. 18:00 sama dag. Um kvöldið er þingfulltrúum boðið í fordrykk og kvöldverð. Fordrykkur hefst kl. 19:00 í Eldheimum og kvöldverður kl. 20:00 í Höllinni. Félög geta keypt miða fyrir aðra gesti hjá Ragnheiði Elíasdóttur, s. 510-2905, ragnheidur@ksi.is.
4. Skuldir
Aðildarfélög fá sent yfirlit yfir fjárhagslega stöðu aðildarfélagsins gagnvart KSÍ miðað við 31. des. sl. Þau félög sem skulda eru beðin um að greiða skuldina eða semja um greiðslu hennar fyrir 9. febrúar nk. því eins og fram kemur í lögum KSÍ, geta þau félög sem skulda KSÍ ekki átt fulltrúa á ársþingi.
