Dean Martin ráðinn þjálfari í Hæfileikamótun KSÍ
KSÍ hefur gengið frá ráðningu á Dean Edward Martin sem þjálfara í hæfileikamótun KSÍ. Dean mun einnig hafa yfirumsjón með úrtaksæfingum U16 karla og kvenna. Þá er honum ætlað að koma enn frekar inn í kennslu á þjálfaranámskeiðum, starfi sem hann er ekki alls ókunnugur.
Dean lauk við KSÍ A þjálfaragráðu árið 2009. Hann hefur undanfarin ár verið aðstoðarþjálfari U19 landsliðs karla og hefur víða komið við á sínum þjálfaraferli, þjálfað m.a. hjá KA, ÍA, Breiðabliki og HK svo eitthvað sé nefnt. Dean er með B.Sc. gráðu í íþróttafræði frá Háskólanum í Reykjavík, þar sem hann sérhæfði sig í styrktarþjálfun knattspyrnumanna.
Knattspyrnusamband Íslands býður Dean Martin velkominn til starfa.
.jpg?proc=760){kind=logo}
