U19 kvenna - Ísland vann stórsigur á Kasakstan
U19 landslið kvenna vann stórsigur á Kasakstan í öðrum leik sínum í undankeppni EM en leikurinn endaði með 10-0 sigri Íslands. Anna Rakel Pétursdóttir og Agla María Albertsdóttir skoruðu fjögur mörk hvor í dag og þær Selma Sól Magnúsdóttir og Ásdís Karen Halldórsdóttir gerðu sitt markið hvor fyrir Ísland.
Ísland lagði Færeyjar 5-0 í fyrsta leik liðsins í undankeppninni og leikur við Finnland á þriðjudaginn. Finnland lagði Kasakstan 7-0 en leikur við Færeyjar í dag.
Efsta liðið úr hverjum riðli kemst áfram í milliriðil og öll nema eitt af þeim liðum sem enda í öðru sæti komast einnig áfram.
Úrslitakeppnin verður leikin í Norður-Írlandi næsta sumar.
.jpg?proc=760)
.jpg?proc=760)
