Uppselt á leik Íslands og Finnlands
Uppselt er á leik Íslands og Finnlands í undankeppni HM 2018. Miðasala hófst á midi.is kl. 12:00 í dag, miðvikudag, eins og kynnt var á vef KSÍ í vikunni. Alls fóru um 3 þúsund miðar í sölu í dag og seldust þeir upp á rúmum þremur tímum.
Finnar tóku alla þá miða sem þeim stóð til boða og verða því nokkuð fjölmennir á Laugardalsvellinum, 6. október næstkomandi. Sala mótsmiða fór fram fyrr í mánuðinum og seldust allir þeir miðar sem stóðu til boða. Alls seldust um 1.800 mótsmiðar að þessu sinni en um 1.000 mótsmiðar seldust á síðustu undankeppni.
Miðasala á leik Íslands og Tyrklands, í undankeppni HM, hefst föstudaginn 2. september kl. 12:00 á hádegi en leikurinn fer fram á Laugardalsvelli, sunnudaginn 9. október.
.jpg?proc=760)
.jpg?proc=760)
