600 auka mótsmiðar fara í sölu í dag, föstudag
Vegna mikils áhuga á mótsmiðum fyrir undankeppni HM sem hefst í september hefur verið ákveðið að bæta við 600 mótsmiðum sem fara í sölu í dag, föstudag, og hefst miðasala klukkan 12:00 á www.midi.is.
Miðar verða seldir í þrjú verðsvæði eða 200 miðar í hvert svæði.
Fyrsti heimaleikur Íslands í undankeppninni verður á Laugardalsvelli fimmtudaginn 6. október gegn Finnlandi. Aðrir heimaleikir Íslands í undankeppninni eru:
- 9. október Ísland-Tyrkland
- 11. júní Ísland-Króatía
- 5. september Ísland-Úkraína
- 9. október Ísland-Kosóvó
Hægt er að kaupa mótsmiða í þrjú svæði og þar með í þremur verðflokkum eins og áður. Ekki er hægt að velja sæti í kaupferlinu en mótsmiðahafi fær sama sæti úthlutað í öllum heimaleikjunum. Þetta er m.a. gert til að tryggja hámarksnýtingu á vellinum og er það sama aðferð og UEFA notaði í úrslitakeppni EM.
Mest er hægt að kaupa fjóra mótsmiða á hverja kennitölu.
- Miðaverð – mótsmiðar
- Svæði I 35.000.- kr. (Rautt svæði)
- Svæði II 25.000 kr. (Blátt svæði)
- Svæði III 15.000 kr. (Grænt svæði)
Allir mótsmiðar sem fóru í sölu í hádeginu á miðvikudaginn seldust upp á um 20 mínútum og má búast við að mikil ásókn verði í þá miða sem fara í sölu á morgun.
Við þökkum fyrir þennan gríðarlega áhuga á landsliðunum en góður stuðningur úr stúkunni er lykilþáttur í velgengi landsliðanna.
Áfram Ísland!
