EM 2016 - Stade Vélodrome er leikvangur dagsins
Leikur Íslands og Ungverjalands fer fram á hinum stórglæsilega Stade Vélodrome sem er í Marseille. Leikvangurinn tekur 67.394 áhorfendur í sæti og er talinn af mörgum einn glæsilegasti leikvangur Frakklands.
Stade Vélodrome var tekin í notkun árið 1937 en hefur farið í gegnum endurnýjun lífdaga í gegnum tíðina og er völlurinn afar glæsilegur í alla staði. Leikvangurinn er ekki einungis notaður fyrir knattspyrnu en rúgbý er einnig spilað á vellinum.
Gert er ráð fyrir að um 8000 íslenskir stuðningsmenn mæti á Stade Vélodrome og þenji raddböndin hressilega en íslensku stuðningsmennirnir voru stórkostlegir í leiknum gegn Portúgal.
