EM 2016 - Ísland leikur við Ungverja í dag
Ísland leikur annan leik sinn á EM í dag þegar liðið mætir Ungverjum í Marseille. Það fór varla framhjá neinum að Ísland gerði 1-1 jafntefli við Portúgal í fyrsta leik mótsins þar sem Birkir Bjarnason skoraði jöfnunarmark Íslands. Mótherjar Íslands í dag eru Ungverjar sem komu nokkuð á óvart með því að leggja Austurríki að velli í fyrsta leik sínum á mótinu.
Ungverjar unnu leikinn 2-0 og sitja því á toppi riðilsins með 3 stig en Ísland og Portúgal eru með 1 stig og Austurríki rekur lestina án stiga.
Leikurinn hefst klukkan 16:00 að íslenskum tíma og er hann sýndur beint á Sjónvarpi Símans.
