A karla - Söguleg stund í íslenskri knattspyrnu
Það er sögulegur dagur í íslensku knattspyrnunni í dag þegar karlalandsliðið leikur sinn fyrsta leik á lokakeppni stórmóts. Aldrei fyrr í sögunni hefur landsliðið komist svo langt en það eru Portúgalar sem eru fyrstu mótherjar Íslands í lokakeppni stórmóts.
Í kvöld munu strákarnir okkar stíga sín fyrstu skref á stóra sviðinu en leiksvið draumanna er Stade Geoffroy-Guichard völlurinn í Saint-Étienne. Íslenska liðið hefur undirbúið sig vel fyrir þessa frumraun sína undanfarnar vikur og verður allt gefið í sölurnar í kvöld gegn gríðarlega sterku liði Portúgals.
Leikurinn hefst klukkan 19:00 að íslenskum tíma og er hann sýndur beint á Sjónvarpi Símans.
.jpg?proc=760)
.jpg?proc=760)
