Miðasala á Ísland – Liechtenstein gengur vel
Miðasala fyrir síðasta vináttuleik A landsliðs karla fyrir EM 2016 í Frakklandi er í fullum gangi á midi.is. Leikurinn, sem er gegn liði Liechtenstein, fer fram á Laugardalsvellinum 6. júní næstkomandi.
Miðasala gengur vel og má búast við að uppselt verði á leikinn. Það borgar sig því að tryggja sér miða fyrr en síðar til að grípa ekki í tómt. Þetta er kjörið tækifæri fyrir liðið og stuðningsmenn að kveðjast með viðeigandi hætti á heimavelli. Tryggðu þér miða og taktu þátt í kveðjunni!
Einnig gefst kostur á að kaupa miða í hólf (J, K og L) sem að öllu jöfnu eru ætluð stuðningsmönnum aðkomuliðs
Miðasala á leikinn fer fram í gegnum miðasölukerfi hjá midi.is.
Miðaverð
- Svæði 1 (rautt svæði): kr. 5.000
- Svæði 2 (blátt svæði): kr. 4.000
- Svæði 3 (grænt svæði): kr. 3.000
- Mest er hægt að kaupa 4 miða í einu.
- Börn 16 ára og yngri fá 50% afslátt af miðaverði.
Ísland leikur fyrst vináttulandsleik við Noreg á Ullevål vellinum í Osló þann 1. júní. Leikurinn fer fram klukkan 17:45 og er hann sýndir beint á RÚV.
