Útgefin þátttökuleyfi á öðrum fundi leyfisráðs
Annar fundur leyfisráðs í leyfisferlinu fyrir keppnistímabilið 2016 fór fram í vikunni og voru þátttökuleyfi 15 félaga samþykkt. Sjö af leyfunum 15 eru gefin út með fyrirvara um afgreiðslu stjórnar KSÍ á umsókn viðkomandi félags um vallarleyfi. Níu félög fengu útgefin þátttökuleyfi á fundi ráðsins fyrir viku síðan.
Þar með hafa öll 24 félögin í efstu tveimur deildum karla fengið útgefin þátttökuleyfi, en þó 7 með fyrrgreindum fyrirvara vegna vallarmála. Þá er bent á að veiting þátttökuleyfis í mars er bráðabirgðagjörningur skv. leyfisreglugerð, sem er staðfestur í byrjun apríl.
Samþykktar leyfisumsóknir á fundi leyfisráðs 17. mars:
- Breiðablik
- FH
- Fjarðabyggð - * Fyrirvari á leyfisveitingu vegna vallarleyfis
- Fjölnir - * Fyrirvari á leyfisveitingu vegna vallarleyfis
- Fram - * Fyrirvari á leyfisveitingu vegna vallarleyfis
- Huginn - * Fyrirvari á leyfisveitingu vegna vallarleyfis
- ÍBV - * Fyrirvari á leyfisveitingu vegna vallarleyfis
- KA
- Keflavík
- KR
- Stjarnan
- Valur
- Víkingur Ól. - * Fyrirvari á leyfisveitingu vegna vallarleyfis
- Víkingur R.
- Þróttur R. - * Fyrirvari á leyfisveitingu vegna vallarleyfis
Ákvarðanir leyfisráðs á fundum í mars eru staðfestar í byrjun apríl. Úr leyfisreglugerð:
"Á þessu stigi er veiting þátttökuleyfis þó bráðabirgðagjörningur sem er ekki bindandi, þar sem enn hefur ekki verið lögð fram staðfesting (ef þörf er á) um engin vanskil vegna greiðslna sem gjaldfalla eigi síðar en 31. mars ... Ef hins vegar engin slík greiðsla gjaldfellur á tímabilinu
fram til 31. mars, þá má líta á veitingu þátttökuleyfis sem bindandi."
* Fyrirvari á leyfisveitingu vegna vallarleyfis:
Umsókn félagsins um þátttökuleyfi 2016 er samþykkt af leyfisráði með fyrirvara um afgreiðslu stjórnar KSÍ á tillögum mannvirkjanefndar um vallarleyfi fyrir keppnistímabilið 2016.
.jpg?proc=760)
