Íslenskir dómarar á U19 æfingamóti á La Manga
Dómararnir Bríet Bragadóttir og Rúna Kristín Stefánsdóttir verða að störfum á æfingamóti á vegum norska knattspyrnusambandsins dagana 3.-7. mars. Um er að ræða átta liða mót U19 landsliða kvenna, sem fram fer á La Manga á Spáni.
Auk Noregs taka Danmörk, Bandaríkin, Frakkland, Svíþjóð, Ítalía, Holland og England þátt á mótinu. Bríet mun starfa sem dómari á mótinu en Rúna Kristín sem aðstoðardómari.
Þetta er spennandi verkefni fyrir þær stöllur og góður undirbúningur fyrir verkefni ársins.
