Nær allir úr MLS deildinni
A landslið karla mætir Bandaríkjunum í vináttuleik í Carson, Los Angeles næstkomandi sunnudag. Leikurinn fer fra á StubHub Center leikvanginum, heimavelli LA Galaxy, sem leikur í MLS deildinni þar í landi. Aðeins einn leikmaður í bandaríska hópnum leikur með LA Galaxy, en nær allir í 26 manna hópi eru á mála hjá MLS liðum.
Alls eiga 15 MLS félög fulltrúa í hópnum, einn leikmaður er á mála hjá þýska liðinu Stuttgart og tveir eru án félags. Þekktustu leikmennirnir í hópnum eru líklega miðjumaðurinn Michael Bradley og framherjinn Jozy Altidore, og þeir eru jafnframt leikjahæstu og markahæstu mennirnir.
StubHub Center
Leikurinn fer sem fyrr segir fram á StubHub Center í Carson, Los Angeles, heimavelli LA Galaxy. Leikvangurinn var opnaður árið 2003 og tekur 27.000 manns í sæti.
.jpg?proc=760)
