A karla - Ísland mætir Noregi í júní
Knattspyrnusamband Íslands og Knattspyrnusamband Noregs hafa gert samkomulag um að A-landslið karla leiki vináttulandsleik 1. júní.
Gert er ráð fyrir að leikurinn fari fram á Ullevaal leikvanginum í Osló.
Íslenska landsliðið leikur vináttulandsleik við Grikki í Aþenu þann 29. mars en áður mun liðið leika ytra vináttulandsleik 24. mars og verður tilkynnt um mótherja á næstu dögum.
Seinasti vináttulandsleikur Íslands fyrir EM fer væntanlega fram 6. júní en allir þessir leikir eru hluti af undirbúningi liðsins fyrir EM í Frakklandi.
.jpg?proc=760)
