FIFA-merkin afhent
Í lok síðasta árs staðfesti FIFA íslenskar tilnefningar á FIFA-lista yfir dómara og aðstoðardómara fyrir árið 2016 og eru tveir nýliðar á listanum sem kynntur var á vef KSÍ í desember.
Fulltrúar dómaranefndar KSÍ, þeir Gylfi Þór Orrason og Kristinn Jakobsson, sem báðir eru fyrrverandi FIFA dómarar og starfa nú sem dómaraeftirlitsmenn á alþjóðlegum leikjum, afhentu FIFA-merkin í höfuðstöðvum KSÍ á fimmtudag, og nutu þar aðstoðar Geirs Þorsteinssonar formanns KSÍ og Klöru Bjartmarz framkvæmdastjóra KSÍ.
