Vilhjálmur Alvar dæmir leik Man.Utd og PSV Eindhoven í Unglingadeild UEFA
Vilhjálmur Alvar Þórarinsson mun dæma leik Manchester United Youth og PSV Eindhoven Youth í Unglindadeild UEFA en þar eru lið skipuð leikmönnum 19 ára og yngri.
Leikurinn fer fram miðvikudaginn 25. nóvember sem er sama dag og aðallið félaganna mætast í Meistaradeild Evrópu.
Vilhjálmur er aðaldómari leiksins en aðstoðardómarar eru Gylfi Már Sigurðsson og Gunnar Sverrir Guðmundsson. Fjórði dómari er Peter Banks frá Englandi.
