U17 kvenna- Ísland vann 8 marka sigur í undankeppni EM
Íslenska U17 ára kvennalandsliðið vann 8-0 sigur á Færeyjum í undankeppni EM en leikið er í Svartfjallalandi. Ísland komst í 5-0 í fyrri hálfleik og fylgdi því eftir með 3 mörkum í seinni hálfleik og endaði leikurinn 8-0.
Guðrún Gyða Haralz skoraði fjögur mörk í leiknum.
Ísland er með 6 stig í riðlinum eftir sigur á Færeyjum og Svartfjallalandi en seinasti leikurinn er á þriðjudaginn gegn Finnum en bæði lið hafa unnið báða sína leiki í undankeppninni.
Með sigrinum eru stelpurnar okkar komnar í næstu umferð en tvö efstu liðin fara beint áfram úr riðlinum í næsta riðil þar sem 24 lið leika í 6 riðlum. Það skiptir ekki máli hvernig leikurinn gegn Finnum fer en auðvitað væri gaman að vinna riðilinn.
.jpg?proc=760)
.jpg?proc=760)
