Tveir síðustu leikdagarnir framundan
Tveir síðustu leikdagarnir í undankeppni EM karlalandsliða 2016 eru framundan, en leikið er á mánudag og þriðjudag. Sem kunnugt er mætir Ísland Tyrklandi í Konya á þriðjudag og þó fyrir liggi hvaða þjóðir hafna í tveimur efstu sætum riðilsins keppa Íslendingar og Tékkar enn um toppsætið og slagurinn um þriðja sætið er á milli Tyrkja og Hollendinga.
Í riðlum C-G-H er enn keppt um annað sætið, sem gefur beinan þátttökurétt í úrslitakeppninni. Á meðal liða sem eru enn í þeirri baráttu eru Norðurlandaþjóðir - Norðmenn og Svíar, en ljóst er að báðar þessar þjóðir eru að minnsta kosti öruggar með sæti í umspili. Keppni í I-riðli er lokið og þar hafna Danir í þriðja sæti.
.jpg?proc=760)
