Dómarar frá Danmörku, Finnlandi og Wales að störfum
KSÍ hefur átt í samstarfi síðustu ár við knattspyrnusambönd á Norðurlöndum og Bretlandseyjum varðandi dómaraskipti. Þannig hafa dómarar komið hingað til lands og dæmt leiki í deildarkeppni og íslenskir dómarar dæmt leiki ytra. Á næstunni munu dómarar frá Finnlandi og Wales dæma leiki hér á landi.
Finnarnir Petri Viljanen og Mika Lamppu munu starfa á viðureign Þróttar og Fram í 1. deild karla laugardaginn 22. ágúst, og sama dag munu Sandi Putros og Elvis Boric frá Danmörku vera í dómarateyminu á leik Selfoss og Fjarðabyggðar, einnig í 1. deild karla. Þá verður Iwan Griffith frá Wales dómari á leik Vals og Fylkis í Pepsi-deild karla, sem fram fer á Laugardalsvelli mánudaginn 24. ágúst.
.jpg?proc=760){kind=logo}
