Úrtökumót KSÍ fyrir drengi á Laugarvatni 21. - 23. ágúst | Uppfært
Úrtökumót KSÍ árið 2015 fyrir drengi verður haldið á Laugarvatni, dagana 21. - 23. ágúst. Umsjón með mótinu hefur Freyr Sverrisson.
Félög leikmanna og leikmenn eru beðin um að kynna sér eftirfarandi upplýsingar:
KSÍ greiðir kostnað við flug leikmanna til Reykjavíkur. Fyrir þá sem þurfa að panta flug með Flugfélagi Íslands, vinsamlegast hafið sambandi við hópadeildina í síma 5703035 til að bóka flug. Athugið að óska eftir ÍSÍ fargjaldi.
Kostnaður við gistingu og fæði
Félög leikmanna greiða kostnað við gistingu og fæði og skal hvert félag greiða kr. 15.000 fyrir hvern þátttakanda. Þessi greiðsla skal berast KSÍ eigi síðar en miðvikudaginn 19. ágúst á reikning KSÍ (0101- 26-700400 / kt. 700169-3679). Nauðsynlegt er að skýring berist með bankagreiðslu (kennitala greiðanda).
Þessi greiðsla er staðfesting á þátttöku leikmanns. Öll forföll skal tilkynna til skrifstofu KSÍ.
Fæði og gisting er í Íþróttamiðstöð Íslands á Laugarvatni.
Lokaðar æfingar (leikir)
Æfingar (leikir) á úrtökumótinu eru lokaðar utanaðkomandi aðilum utan þess að þjálfurum og aðstandendum viðkomandi leikmanna er heimilt að vera viðstaddir æfingarnar. Þeir þjálfarar sem óska eftir því að vera viðstaddir æfingar og leiki er bent á að hafa samband við þjálfara í tíma.
Þátttakendur þurfa að hafa með sér
Svefnpoka eða sæng, kodda, lak, keppnisútbúnað, æfingagalla, sundföt, handklæði og snyrtidót.
.jpg?proc=760){kind=logo}
