Uppselt á Ísland-Kasakstan
Uppselt er á leik Íslands og Kasakstans í undankeppni EM karlalandsliða 2016. Miðasala hófst á midi.is kl. 12:00 í dag, þriðjudag, eins og kynnt var á vef KSÍ í síðustu viku. Alls fóru um 5 þúsund miðar í sölu í dag og seldust þeir upp á rúmlega einni klukkustund.
Rétt er að geta þess að að á þennan leik voru seldir miðar í J og K hólf en þau hólf eru alla jafna frátekin fyrir gestalið. Að þessu sinni tók gestaliðið ekki alla þá miða sem það hafði rétt á og því var hægt að selja miða í J og K hólf til íslenskra stuðningsmanna og þar með fjölga miðum í sölu.
Um er að ræða lykilleik fyrir íslenska liðið í baráttunni um sæti í úrslitakeppninni, sem fram fer í Frakklandi næsta sumar. Leikurinn fer fram þann 6. september næstkomandi og verður í beinni sjónvarpsútsendingu á RÚV. Seinasti heimaleikur íslenska liðsins í riðlinum fer svo fram í október og verða mótherjarnir þá lið Lettlands.
.jpg?proc=760)
.jpg?proc=760)
