U17 kvenna - Jafnt hjá Noregi og Sviss
Noregur og Sviss gerðu 2 - 2 jafntefli í kvöld í seinni leik B riðils úrslitakeppni U17 kvenna en leikið var á Kópavogsvelli.
Það voru norsku stúlkurnar sem byrjuðu betur og komust yfir eftir 10 mínútna leik en svissneska liðið jafnaði metin á 36. mínútu leiksins og þannig stóðu leikar í leikhléi.
Dæmið snerist svo við í seinni hálfleiknum því þær svissnesku voru undan að skora en þær norsku jöfnuðu metin aðeins þremur mínútum síðar og þar við sat.
Frakkar unnu Íra fyrr í dag og eru því í efsta sæti B riðils en Noregur og Sviss koma svo með eitt stig. Næstu leikir riðilsins fara fram á Víkingsvelli á fimmtudaginn en þá mætast Írland og Sviss kl. 13:00 en Frakkland og Noregur kl. 17:00.
.jpg?proc=760)
.jpg?proc=760)
