lau. 20. jún. 2015
Landslið

Skemmtileg dagskrá fyrir leiki U17 kvenna!

Úrslitakeppni Evrópumóts U17 kvenna hefst á Íslandi á mánudaginn, 22. júní, en leikið er í Reykjavík, Kópavogi, Grindavík og Akranesi. Á mótinu leika efnilegustu knattspyrnukonur Evrópu og má því búast við spennandi og skemmtilegu móti.

Frítt er á alla leiki mótsins en Ísland er meðal liða og hvetjum við alla að koma á leiki mótsins.

Fyrir hvern leik verður boðið upp á knattþrautir, hoppukastala og grillaðar pylsur. Landsliðskonur munu einnig líta við á alla velli, heilsa upp á krakkana, dreifa plakötum af landsliðum Íslands og árita. Einnig verður happdrætti á hverjum leik þar sem miðar á landsleiki með A-landsliðum kvenna og karla verða meðal vinninga. Dregið verður út á meðan leikjum stendur en vinningshafar verða að vera á staðnum til að hljóta vinningana.

Það er því ríkt tilefni til að skella sér á leikina og skemmta sér ærlega. Boðið verður upp á pylsur, hoppukastala og knattþrautir fyrir leikina og svo er dregið úr happdrættismiðum undir lok leikja.

Sjáumst á vellinum!

Leikjadagskrá:

Leikdagur	Vikud	Leikvöllur	Tími	Leikur
22. júní	Mán.	Grindavíkurvöllur	13:00	ENG-SPÁ
22. júní	Mán.	Grindavíkurvöllur	19:00	ÍSL-ÞÝS
22. júní	Mán.	Kópavogsvöllur	13:00	ÍRL-FRA
22. júní	Mán.	Kópavogsvöllur	19:00	SVI-NOR

25. júní	Fim.	Laugardalsvöllur	13:00	ÍRL-SVI
25. júní	Fim.	Laugardalsvöllur	19:00	FRA-NOR
25. júní	Fim.	Akranesvöllur	13:00	ÞÝS-SPÁ
25. júní	Fim.	Akranesvöllur	19:00	ÍSL-ENG

28. júní	Sun.	Kópavogsvöllur	19:00	SPÁ-ÍSL
28. júní	Sun.	Kópavogsvöllur	13:00	NOR-ÍRL
28. júní	Sun.	Fylkisvöllur	19:00	ÞÝS-ENG
28. júní	Sun.	Fylkisvöllur	13:00	FRA-SVI

1. júlí	Mið.	Valsvöllur	13:00	Undanúr.
1. júlí	Mið.	Valsvöllur	19:00	Undanúr.

4. júlí	Lau.	Valsvöllur	14:00	Úrslit