Viltu starfa við úrslitakeppni EM 2016?
Opnað hefur verið fyrir umsóknir vegna sjálfboðaliðastarfs við úrslitakeppni EM karlalandsliða 2016, en keppnin fer fram í Frakklandi sumarið 2016. Alls munu um 6.500 sjálfboðaliðar starfa við mótið, sem fer fram í 10 borgum víðs vegar um Frakkland. Mótið er gríðarlega umfangsmikið og mun þáttur sjálfboðaliða vera stór í því að sem best til takist og til að mótið verði sem glæsilegast.
Skráning umsókna fer fram á vefsíðunni www.volunteers.euro2016.fr og er opið fyrir umsóknir til loka nóvembermánaðar. Sérstakur verndari sjálfboðaliðaverkefnisins er Christian Karembeu, fyrrverandi landsliðsmaður Frakka.
.jpg?proc=760)
.jpg?proc=760)
