Ísland í riðli með ríkjandi Evrópumeisturum
Dregið var í riðla í úrslitakeppni EM U17 landsliða kvenna í Ráðhúsi Reykjavíkur í dag, miðvikudag, en eins og kynnt hefur verið fer keppnin fram hér á landi í sumar, nánar tiltekið dagana 22. júní til 4. júlí.
Fyrirfram var vitað að Ísland, sem gestgjafi, myndi leika í A-riðli. Auk Ísland drógust í riðilinn þjóðirnar tvær sem léku til úrslita í síðustu keppni, Þjóðverjar og Spánverjar, en þessar þjóðir hafa einmitt hampað Evrópumeistaratitli í aldursflokknum í 6 af þeim 7 skiptum sem keppnin hefur verið haldin. Fjórða þjóðin í riðlinum er svo önnur knattspyrnuþjóð með mikla sögu, Englendingar. Það er því ljóst að verðugt verkefni bíður stelpnanna okkar. Fyrsti leikur Íslands er gegn ríkjandi meisturum þjóðverja á Grindavíkurvelli.
Í B-riðli eru Írland, Frakkland, Sviss og Noregur. Frakkar hafa þrisvar sinnum leikið til úrslita í aldursflokknum og eru líklega sterkasta liðið í B-riðli.
Drátturinn í ráðhúsinu var sýndur í beinni útsendingu á vef UEFA.
Myndbandsviðtal við Úlfar Hinriksson, landsliðsþjálfara U17.
Myndbandsviðtal við Anouschka Bernhard, þjálfara Evrópumeistara Þýskalands.
.jpg?proc=760)
.jpg?proc=760)
