U17 karla - Tap gegn Rússum
Strákarnir í U17 biðu lægri hlut gegn Rússum í öðrum leik þeirra í milliriðli EM en leikið er í Rússlandi. Heimamenn unnu öruggan sigur, 4 - 0 eftir að staðan hafði verið 1 - 0 í leikhléi.
Lokatölur leiksins voru hinsvegar óþarflega stórar miðað við gang leiksins, Íslendingar voru heldur meira með boltann en náðu ekki að brjóta öflugan varnarmúr Rússa niður. Þeir voru öflugir í skyndisóknum og föstum leikatriðum en tvö mörk þeirra komu beint úr aukaspyrnu og eitt upp úr hornspyrnu.
Íslenska liðið á ekki lengur möguleika á því að komast í úrslitakeppnina en lokaleikur liðsins verður gegn Wales á fimmtudaginn. Walesverjar töpuðu gegn Austurríki fyrr í dag, 3 - 2 og hafa Austurríkismenn því tryggt sér sæti í úrslitakeppninni.
.jpg?proc=760)
.jpg?proc=760)
