U17 karla og kvenna í eldlínunni á laugardaginn
Bæði karla- og kvennalið okkar í aldursflokki U17 verða í eldlínunni á morgun, laugardaginn 21. mars. Strákarnir leika í milliriðli EM gegn Austurríki kl. 10:00 en riðillinn er leikinn í Rússlandi. Leikið verður svo gegn heimamönnum á mánudaginn og gegn Wales á fimmtudaginn. Efsta liðið tryggir sér sæti í úrslitakeppninni, sem fer fram í Búlgaríu, ásamt sjö þjóðum í öðru sæti í riðlunum átta.
Stelpurnar eru í óða önn að undirbúa sig fyrir úrslitakeppni EM U17 kvenna sem fram fer hér á landi í sumar. Þær leika tvo leiki gegn Írum í þessari ferð og fer fyrri leikurinn fram á morgun, laugardaginn 21. mars og hefst kl. 15:00. Seinni leikurinn fer svo fram á mánudaginn, 23. mars og hefst kl. 11:00.
Hægt verður að fylgjast með beinni textalýsingu af leik Íslands og Austurríkis á heimasíðu UEFA og við munum einnig fylgjast með helstu atriðum leiks Íslands og Írlands á Facebook síðu KSÍ.
.jpg?proc=760)
.jpg?proc=760)
