Algarve 2015 - Leikið við Japan um níunda sætið
Íslenska kvennalandsliðið mætir því heimsmeisturum Japans í leik um níunda sætið á Algarve mótinu en leikið verður um sæti, miðvikudaginn 11. mars. Leikið verður á Algarve vellinum og hefst hann kl. 12:15. Það verða Frakkland og Bandaríkin sem leika munu til úrslita á mótinu.
Ísland hafnaði í neðsta sæti síns riðils en var með bestan árangur þeirra þriggja liða sem höfnuðu í því sæti. Japan lenti í þriðja sæti í sínum riðli, með lakasta árangur þeirra liða sem lentu í því sæti. Ísland og Japan hafa aldrei áður mæst hjá A landsliðum kvenna en Japanir urðu heimsmeistarar árið 2011 þegar keppnin var haldin í Þýskalandi, lögðu þá Bandaríkin í vítaspyrnukeppni.
Japanir töpuðu gegn Dönum í fyrsta leik sínum hér á Algarve, 1 - 2 og lögðu svo Portúgal, 3 - 0. Í lokaleiknum í riðlinum töpuðu Japanir gegn Frökkum , 1 - 3.
Við munum að vengju fylgjast með leiknum á morgun á Facebook síðu KSÍ en leikurinn hefst kl. 12:15.
.jpg?proc=760)
.jpg?proc=760)
