Fyrsti kvendómarakvartettinn

Greint var frá því hér á vefnum fyrr í vikunni að dómarakvartettinn í landsleik U23 Íslands og Póllands, sem fram fór í Kórnum á miðvikudag, væri eingöngu skipaður konum.  Þetta er í fyrsta sinn sem slíkt gerist hér á landi.

Bríet Bragadóttir var dómari, Rúna Kristín Stefánsdóttir og Jovana Cosic aðstoðardómarar, og Birna H. Bergstað varadómari.  Rúna Kristín og Jovana eru jafnframt FIFA-aðstoðardómarar.