Styrkleikalisti FIFA - Ísland niður um fimm sæti
Íslenska karlalandsliðið fellur niður um 5 sæti á nýjum styrkleikalista FIFA sem gefinn var út í morgun. Ísland er í 33. sæti listans en var í 28. sæti síðast þegar listinn var birtur. Þjóðverjar eru sem fyrr í efsta sæti listans og Argentína kemur þar næst.
Af mótherjum Íslendinga í undankeppni EM er það að frétta að Holland er í 5. sæti, Tékkar í 17. sæti og Tyrkir í 48. sæti. Lettar er svo í 97. sæti og Kasakar eru í 139. sæti styrkleikalista FIFA.
Hástökkvarar listans að þessu sinni eru hinsvegar Færeyingar sem fara upp um 82 sæti eftir frábæran útisigur gegn Grikkjum.
.jpg?proc=760)
.jpg?proc=760)
