Kristinn dæmir í Evrópudeild UEFA í Frakklandi
Kristinn Jakobsson mun dæma leik St. Etienne frá Frakklandi og Quarabag frá Aserbaídsjan í Evrópudeild UEFA en leikið verður í Saint Etienne í Frakklandi. Kristni til aðstoðar verða þeir Sigurður Óli Þorleifsson og Gunnar Sverrir Gunnarsson. Aukaaðstoðardómarar verða Þóroddur Hjaltalín og Þorvaldur Árnason og fjórði dómari verður Gylfi Már Sigurðsson.
Leikurinn er liður í F riðli og þar er baráttan hörð en Inter Milan er þar efst með átta stig en öll önnur lið í riðlinum eru með fjögur stig þegar tvær umferðir eru eftir. Þegar þessi félög mættust í Baku í september lauk leiknum með markalausu jafntefli en St.Etienne hefur gert jafntefli í öllum sínum fjórum leikjum til þessa.
