Mikill áhugi fyrir leiknum í Tékklandi
Ljóst er að mikill áhugi er fyrir leik Tékklands og Íslands í undankeppni EM en leikið verður í Plzen í Tékklandi, sunnudaginn 16. nóvember. Ferðaskrifstofur hér á landi hafa sett upp sérstakar ferðir á leikinn og virðist mikill áhugi fyrir þessum ferðum.
Meðlimir Tólfunnar ætla margir að vera í Plzen þennan dag og þá hefur heyrst að Íslendingar búsettir erlendis séu einnig að skipuleggja ferðir á leikinn.
Áhuginn er greinilega mikill en þeir Íslendingar sem ætla að tryggja sér miða á leikinn þurfa að gera það eigi síðar en 4. nóvember og er það háð því að miðar verði til á þeim tíma.
.jpg?proc=760)
.jpg?proc=760)
