U21 karla - Hópurinn fyrir umspilsleikinga gegn Dönum
Eyjólfur Sverrisson, landsliðsþjálfari U21 karla, hefur valið hópinn sem mætir Dönum í tveimur umspilsleikjum um sæti í úrslitakeppni EM 2015 í Tékklandi. Fyrri leikurinn verður í Álaborg, föstudaginn 10. október en sá seinni á Laugardalsvelli, þriðjudaginn 14. október kl. 16:15. Það lið sem hefur betur úr þessum viðureignum samanlagt, tryggir sér sæti í úrslitakeppni EM.
Þjóðirnar hafa mæst átta sinnum áður í þessum aldursflokki og hafa Íslendingar unnið tvisvar, þrisvar hafa þjóðirnar skilið jafnar og þrisvar hafa Danir haft betur. Síðasti leikur þjóðanna var í úrslitakeppni EM, árið 2011 og var einmitt leikið í Álaborg. Íslendingar höfðu þá betur, 3 – 1.
Miðasala á leikinn fer fram í gegnum miðasölukerfi hjá www.midi.is.
Miðverð:
Fullorðnir: 1.500 krónur
Frítt inn fyrir 16 ára og yngri
.jpg?proc=760)
.jpg?proc=760)
