Friður í einn dag - Peace one day
Þann 21. september næstkomandi verður alþjóðlegur dagur friðar haldinn í 16. sinn – Peace One Day . Markmið verkefnisins er að hvetja stríðandi fylkingar um heim allan til að leggja niður vopn í einn dag, þennan mánaðardag ár hvert og hefur knattspyrnuhreyfingin á Íslandi vakið athygli á þessum verðuga málstað undanfarin ár.
Knattspyrnuhreyfingin um allan heim tekur þátt í þessu verkefni og tileinkar alla knattspyrnuleiki sem fram fara þennan dag baráttunni fyrir friði í heiminum, í öllum aðildarlöndum Sameinuðu þjóðanna.
Knattspyrnuhreyfingin á Íslandi leggur sitt af mörkum. Á þessum degi fer fram heil umferð í Pepsi-deild karla og eru allir leikirnir tileinkaðir baráttunni fyrir heimsfriði.
Hver einasti einstaklingur getur tekið þátt, því margt smátt gerir eitt stórt. Hjálpumst að við að breiða út boðskapinn.
.jpg?proc=760){kind=logo}
