Dómarar frá Grikklandi á leik Íslendinga og Serba
Það verða dómarar frá Griklandi sem verða við stjórnvölinn á leik Íslendinga og Serba í undankeppni HM en leikið verður á Laugardalsvelli, miðvikudaginn 17. september kl. 17:00. Dómarinn heitir Thalia Mitsi og henni til aðstoðar verða löndur hennar Urania Foskolou og Panagiota Koutsoumpou. Fjórði dómari leiksins er svo Bríet Bragadóttir.
Þetta gríska dómaraþríeyki var einnig hér á landi fyrir fjórum árum síðan þegar þær dæmdu leik Íslands og Norður Írlands í undankeppni HM 2011.
Miðasala á leikinn er í fullum gangi og er hægt að kaupa miða í gegnum miðasölukerfi hjá www.midi.is.
