U19 karla - Tap gegn Norður Írum
Strákarnir í U19 töpuðu í dag gegn Norður Írum í seinni vináttulandsleik þjóðanna en leikið var í Belfast. Leiknum í dag lauk með 3 - 1 sigri heimamanna eftir að þeir höfðu leitt, 1 - 0, í leikhléi. Fyrri leiknum lauk með 2 - 2 jafntefli en þessi leikir eru undirbúningur hjá íslenska liðinu fyrir riðlakeppni EM en riðill Íslands verður leikinn í Króatíu í október.
Skemmst er frá því að segjast að íslensku strákarnir náðu sér aldrei á strik í leiknum í dag. Heimamenn leiddu í leikhléi og bættu við öðru marki strax á fyrstu mínútu seinni hálfleiks úr vítaspyrnu. Þriðja mark heimamanna kom skömmu síðar en eina mark Íslands kom á 80. mínútu þegar Ragnar Már Lárusson minnkaði muninn.
.jpg?proc=760)
.jpg?proc=760)
