Tvö félög sektuð
Á fundi aga- og úrskurðarnefndar þann 12. ágúst síðastliðinn voru ÍBV og Víkingur Ólafsvík sektuð. ÍBV var sektað vegna framkomu stuðningsmanna á leik gegn KR í Borgunarbikar karla og Víkingur Ól. vegna framkomu leikmanns eftir leik gegn Grindavík í 1. deild karla.
ÍBV sektað vegna framkomu stuðningsmanna félagsins
Á fundi Aga- og úrskurðarnefnd KSÍ 12. ágúst var samþykkt að sekta ÍBV um 150.000.- krónur vegna framkomu stuðningsmanns félagsins í leik ÍBV og KR í Borgunarbikar karla 31. júlí síðastliðinn. Stuðningsmaður ÍBV viðhafði hátterni er brýtur gegn 16. grein reglugerðar KSÍ um aga-og úrskurðarmál.
Víkingur Ó sektað vegna framkomu leikmanns félagsins
Á fundi Aga- og úrskurðarnefnd KSÍ 12. ágúst var samþykkt að sekta Víking Ó um 100.000.- krónur vegna framkomu leikmanns félagsins í leik Víkings og Grindavíkur í 1. deild karla þann 9. ágúst síðastliðinn. Leikmaður Víkings viðhafði hátterni er brýtur gegn 16. grein reglugerðar KSÍ um aga-og úrskurðarmál.
