Vel heppnaður vináttuleikur Balkan-Ísland
Síðastliðinn föstudag fór fram vináttuleikur á vegum Rauða kross Íslands í samstarfi við átakið Hjálpum Serbíu, þar sem mættust leikmenn af Balkanskaganum sem hafa leikið með íslenskum félagsliðum og íslenskar kempur sem margar hverjar hafa einmitt mætt þeim á vellinum í gegnum tíðina. Leikurinn fór fram á Samsung-velli Stjörnunnar í Garðabæ og var hin besta skemmtun.
Á myndinni hér að ofan má sjá fyrirliðana heilsast fyrir leik, þá Milan Stefán Jankovic og Guðna Bergsson. Allur ágóði af miðasölunni á þennan vináttuleik rennur beint til styrktar fórnarlömbum flóða á Balkanskaga. Í gegnum árin hafa margir leikmenn komið af Balkanskaganum og leikið með íslenskum félagsliðum. Þeirra framlag til íslenskrar knattspyrnu er ómetanlegt.
Á myndinni hér að neðan er allur hópurinn sem tók þátt í leiknum. Smellið á myndina til að sjá stærri útgáfu.
.jpg?proc=760){kind=logo}
