U19 karla - Tap gegn Tyrkjum í markaleik
Strákarnir í U19 léku í dag lokaleik sinn í milliriðli EM en leikið var á Írlandi. Mótherjarnir voru Tyrkir og höfðu þeir betur í miklum markaleik, 4 - 3, eftir að staðan hafði verið 2 - 2 í leikhléi. Íslendingar biðu því lægri hlut í öllum þremur leikjunum en Serbar og Tyrkir urðu efst og jöfn en Serbar fara áfram í úrslitakeppnina.
Tyrkir komust yfir snemma leiks en Orri Sigurður Ómarsson jafnaði metin áður en Kristján Flóki FInnbogason kom Íslandi yfir. Tyrkir jöfnuðu metin skömmu síðar og staðan því jöfn, 2 - 2, í leikhléi. Mörkin létu á sér standa í seinni hálfleik en Tyrkir komust yfir þegar 12 mínútur voru eftir af leiknum og bættu sínu fjórða marki við á 89. mínútu. Elías Már Ómarsson minnkaði muninn í uppbótartíma en tíminn reyndist of naumur og Tyrkir fögnuðu sigri.
.jpg?proc=760)
