Sæmdur gullmerki Knattspyrnusambands Færeyja
Gunnar Sigurðsson frá Akranesi var sæmdur gullmerki færeyska knattspyrnusambandsins um síðastliðna helgi þegar hann var þar í heimsókn. Gunnar, sem var sæmdur heiðurskrossi KSÍ árið 2004, var forystumaður í knattspyrnunni á Akranesi til fjölda ára og sat í stjórn KSÍ um langt skeið, fyrst 1976-1980 og svo 1982-1989, alls 13 ár.
Gunnar hefur lagt áherslu á samstarf Íslands og Færeyja á vettvangi knattspyrnunnar og hann lagði hönd á plóginn þegar Færeyingar fengu inngöngu í UEFA og FIFA. Það var Christian Andreasen, formaður Knattspyrnusambands Færeyja, sem sæmdi Gunnar gullmerkinu.
.jpg?proc=760)
.jpg?proc=760)
