A kvenna - Ísland upp um 3 sæti á heimslista FIFA
Íslenska kvennalandsliðið fór upp um 3 sæti á heimslista FIFA en íslenska liðið er núna í 16. sæti listans. Frábært gengi Íslands á Algarve-mótinu, þar sem Ísland vann bronsverðlaun, hafa mikil áhrif á listann.
Ísland vann þrjá af fjórum leikjum liðsins á mótinu. Bandaríkin eru enn sem áður á toppnum á heimslistanum en liðið náði einungis einu stigi á Algarve-mótinu. Þýskaland er í öðru sæti á listanum en liðið vann Algarve-mótið nokkuð örugglega sem ýtir liðinu ofar á listanum.
Íslenska liðið leikur í byrjun apríl við Ísrael og Möltu í undankeppni HM 2015.
Styrkleikalisti FIFA
A-landslið kvenna lauk árinu 2013 í 19. sæti á styrkleikalista FIFA, og lækkaði þar með um fjögur sæti milli ára. Árin tvö á undan var íslenska liðið í 15. sæti listans, sem er jafnframt hæsta staða sem Ísland hefur náð á listanum. Meðalstaða Íslands frá því listinn var fyrst birtur er 17. sæti og hefur liðið lægst farið niður í sæti númer 21 árin 2006 og 2007.
FIFA-listi kvennalandsliða 2013
| Mánuður | Sæti |
| Desember | 19 |
| Ágúst | 15 |
| Júní | 15 |
| Mars | 15 |
Styrkleikalisti FIFA fyrir kvennalandslið er gefinn út fjórum sinnum á ári. Á honum eru u.þ.b.120 virk landslið, þ.e. landslið sem léku opinbera landsleiki á liðnu ári.
