Tveggja marka tap gegn Úkraínu
U17 landslið karla tapaði gegn Úkraínu í fyrsta leik sínum í undankeppni EM U17 landsliða karla, en liðin mættust á Municipal de Tabua leikvanginum í Tabua í Portúgal í dag, miðvikudag. Úkraínumenn komust yfir með marki á annarri mínútu uppbótartíma fyrri hálfleiks og bættu svo við marki á þriðju mínútu seinni hálfleiks. Þar við sat og þrátt fyrir ágætis tilburði íslenska liðsins tókst því ekki að minnka muninn. Jafnræði var með liðunum í leiknum og því grátlegt að ná ekki stigi.
Í hinum leik dagsins unnu heimamenn, Portúgalar, 3-0 sigur á Lettum, sem verða mótherjar Íslands í næsta leik, á föstudag. Það lið sem hafnar í efsta sæti riðilsins fer í úrslitakeppnina.
.jpg?proc=760)
.jpg?proc=760)
