A karla - Hópurinn sem mætir Wales í vináttulandsleik
Lars Lagerbäck og Heimir Hallgrímsson, landsliðsþjálfarar, hafa tilkynnt hópinn sem mætir Wales í vináttulandsleik í Cardiff, miðvikudaginn 5. mars. Leikið verður á Cardiff City Stadium og hefst leikurinn kl. 19:45 að íslenskum tíma.
Þetta verður sjöunda viðureign þjóðanna hjá A landsliðum karla.
Íslendingar hafa einu sinni haft sigur, 1 - 0 árið 1984 á Laugardalsvelli. Einu sinni hafa þjóðirnar skilið jafnar, 2 - 2 árið 1981 en Wales hefur fjórum sinnum haft betur, síðast í vináttulandsleik á Laugardalsvelli árið 2008.
