Algarve-hópurinn 2014 tilkynntur - Viðtal við Frey
Freyr Alexandersson, þjálfari A landsliðs kvenna, hefur tilkynnt leikmannahópinn fyrir Algarve-bikarinn 2014. Um 23 manna hóp er að ræða og eru 9 leikmenn á mála hjá erlendum félagsliðum. Mótið hefst 5. mars og er fyrsti leikur Íslands gegn stórliði Þýskalands. Næst er leikið gegn Noregi tveimur dögum síðar og síðasti leikur riðlakeppninnar verður gegn Kína þann 10. mars. Allir leikir um sæti fara fram 12. mars.
Landsliðshópur Íslands
| Nafn | Félag | FD | Leikir | Mörk | Leikstaða |
| Þóra Björg Helgadóttir | Ldb Malmö | 050581 | 99 | - | Markvörður |
| Guðbjörg Gunnarsdóttir | Potsdam | 180585 | 28 | - | Markvörður |
| Sandra Sigurðardóttir | Stjarnan | 021086 | 6 | - | Markvörður |
| Ólína G. Viðarsdóttir | Valur | 161182 | 64 | 2 | Varnarmaður |
| Glódís Perla Viggósdóttir | Stjarnan | 270695 | 14 | - | Varnarmaður |
| Mist Edvardsdóttir | Valur | 171090 | 10 | - | Varnarmaður |
| Elísa Viðarsdóttir | Kristanstads DFF | 260591 | 8 | - | Varnarmaður |
| Anna María Baldursdóttir | Stjarnan | 280894 | 3 | - | Varnarmaður |
| Anna Björk Kristjánsdóttir | Stjarnan | 141089 | 1 | - | Varnarmaður |
| Soffía A. Gunnarsdóttir | Jitex | 221087 | - | - | Varnarmaður |
| Dóra María Lárusdóttir | Valur | 240785 | 96 | 15 | Miðjumaður |
| Sara Björk Gunnarsdóttir | Ldb Malmö | 290990 | 66 | 14 | Miðjumaður |
| Katrín Ómarsdóttir | Liverpool LFC | 270687 | 57 | 10 | Miðjumaður |
| Rakel Hönnudóttir | Breiðablik | 301288 | 55 | 3 | Miðjumaður |
| Hallbera Guðný Gísladóttir | Torres | 140986 | 46 | 1 | Miðjumaður |
| Dagný Brynjarsdóttir | Selfoss | 100891 | 36 | 4 | Miðjumaður |
| Þórunn Helga Jónsdóttir | Avaldsnes | 171284 | 9 | - | Miðjumaður |
| Katrín Ásbjörnsdóttir | Þór | 111292 | 1 | - | Miðjumaður |
| Ásgerður S. Baldursdóttir | Stjarnan | 051087 | - | - | Miðjumaður |
| Fanndís Friðriksdóttir | Arna-Björnar | 090590 | 43 | 2 | Framherji |
| Harpa Þorsteinsdóttir | Stjarnan | 270686 | 34 | 1 | Framherji |
| Elín Metta Jensen | Valur | 010395 | 5 | - | Framherji |
| Guðmunda Brynja Óladóttir | Selfoss | 030194 | 1 | - | Framherji |
Algarve-bikarinn 2014
Keppnin um Algarve-bikarinn verður nú haldin í 21. sinn, en fyrsta keppnin fór fram árið 1994. Í þessu móti leika jafnan flest af sterkustu landsliðum heims. Í fyrstu keppninni tóku 6 lið þátt, en síðustu ár hafa þátttökuliðin verið 12 talsins. Svo er einnig í ár og er liðunum skipt í þrjá fjögurra liða riðla.
Að lokinni riðlakeppni er leikið um öll sæti í mótinu eftir fyrirfram ákveðinni formúlu, en aðeins liðin í riðlum A og B geta unnið mótið, enda er sterkustu liðunum raðað í þá riðla. Sigurvegarar A og B riðla mætast þannig í úrslitaleik um sigur í mótinu.
Um Algarve-bikarinn og íslenska landsliðið
Smelltu hérna til að horfa á viðtal við Frey um valið á landsliðinu.
