Námskeið fyrir dómara þriðjudaginn 28. janúar
Námskeið fyrir dómara verður haldið í höfuðstöðvum KSÍ, þriðjudaginn 28. janúar kl. 18:00. Kristinn Jakobsson, reyndasti FIFA dómari Íslands, mun kenna á námskeiðinu. Aðaláherslan verður lögð á nýju rangstöðutúlkunina og hendi - ekki hendi. Auk þess geta þátttakendur spurt Kristin spjörunum úr um hin ýmsu efni sem tengjast dómgæslunni.
Áætlað er að námskeiðið standi yfir í tvær klukkustundir.
Námskeiðið er ætlað öllum starfandi dómurum sem áhuga hafa á því að bæta sig í starfi.
Skráning er hafin á magnus@ksi.is
