Leikmenn landsliðsins árita veggspjöld í Kórnum
Það hefur ekki farið framhjá neinum að íslenska landsliðið leikur mikilvægan leik við Króata á föstudaginn. Í tilefni af því ætla leikmenn íslenska landsliðsins að árita veggspjöld í knattspyrnuhúsinu Kórnum í Kópavogi í dag (miðvikudag) frá klukkan 17:00 - 17:30.
Landsliðið verður í anddyri Kórsins og munu leikmenn árita fyrir þá sem mæta á staðinn. KSÍ býður alla velkomna í Kórinn til að hitta landsliðið og fá eiginhandaráritun leikmanna. Vegna æfinga liðsins verður aðeins um þennan tíma að ræða.
