Króatar mótherjar í umspilinu
Rétt í þessu var dregið í umspili fyrir HM 2014 og fór drátturinn fram í höfuðstöðvum FIFA. Ísland mætir Króatíu og fer fyrri leikurinn fram á Laugardalsvelli, föstudaginn 15. nóvember. Seinni leikurinn fer svo fram ytra, þriðjudaginn 19. nóvember.
Við höfum leikið tvo leiki gegn Króatíu og fóru þeir báðir fram árið 2005. Króatar höfðu betur í báðum þessum leikjum, 4 – 0 ytra og 3 – 1 á Laugardalsvelli.
Aðrir leikir í umspilinu eru:
- Portúgal - Svíþjóð
- Úkraína - Frakkland
- Grikkland - Rúmenía
Miðasala á leikinn er ekki hafin en nánari upplýsingar um hana verða birtar hér á síðunni þegar þær liggja fyrir.
.jpg?proc=760)
.jpg?proc=760)
